Zhvillime të reja me dosjen e Donald Trump. Ish-presidenti i Shteteve të Bashkuara të Amerikës ka zëvendësuar avokatin e tij të lartë përpara dorëzimit të tij të enjten në mbrëmje, thanë burimet për CNN. Në zëvendësimin e Drew Findling me Steven Sadow, një avokat me bazë në Atlanta, profili i faqes së të cilit e përshkruan atë si një “këshilltar special për jaka të bardha dhe mbrojtje të profilit të lartë”, Trump po shton një avokat që ka kundërshtuar më parë ligjin e gjerë të shtetit RICO, sipas të cilit Trump dhe 18 të pandehurit e tij janë akuzuar. Sadow dorëzoi dokumentet të enjten në mëngjes për të përfaqësuar zyrtarisht ish-presidentin në këtë rast. Një burim i Trump tregoi se kjo nuk kishte të bënte me performancën e Findling, ndërsa një tjetër i njohur me Sadow e quajti atë “avokatin më të mirë të mbrojtjes penale në Gjeorgji”. Avokatja tjetër e Trump në Gjeorgji, Jennifer Little, pritet të qëndrojë në ekipin ligjor dhe të punojë me Sadow. “Unë jam mbajtur për të përfaqësuar Presidentin Trump në çështjen e Qarkut Fulton, Georgia. Presidenti nuk duhet të ishte paditur kurrë. Ai është i pafajshëm për të gjitha akuzat e ngritura kundër tij,” tha Sadow në një deklaratë. “Ne presim me padurim që çështja të pushohet ose, nëse është e nevojshme, një juri e paanshme dhe me mendje të hapur që ta shpallë presidentin të pafajshëm. Prokuroritë që synojnë të avancojnë ose t’i shërbejnë ambicieve dhe karrierës së kundërshtarëve politikë të presidentit nuk kanë vend në sistemin tonë të drejtësisë. Në vitin 2021, Sadow kritikoi akuzat e RICO-s si një mënyrë për prokurorët për të prezantuar prova që përndryshe nuk do të ishin të pranueshme gjatë një interviste në lidhje me akuzat e mundshme me të cilat përballej Trump në Gjeorgji. Trump nuk ka hezituar të shkundë ekipin e tij ligjor në raste të tjera. Në qershor, ai hoqi dy nga avokatët kryesorë që e përfaqësonin atë në padinë federale për keqpërdorimin e tij të dyshuar të dokumenteve të klasifikuara.
Trump shkon me këmbët e veta në burg,
Donald Trump u dorëzua në një burg në Atlantas për t’u përballur me akuzat lidhur me tentativës së përmbysjes së rezultatit të zgjedhjeve të vitit 2020, të cilat i humbi përballë demokratit Joe Biden. Kjo është padia e katërt penale me të cilën po përballet me Trump këtë vit. Ashtu si të pandehurit e tjerë në Atlanta, ish-presidentit u paraqit në burgun e Fultonit për të dhënë shenjat e gishtërinjve dhe për t’iu bërë një fotografi. Kjo e fundit pritet të qarkullojë gjerësisht nëpër rrjete sociale, pikërisht në mesin e fushatës së tij për të rifituar Shtëpinë e Bardhë në presidencialet e vitit të ardhshëm. Trumpi përballet me 13 akuza penale, përfshirë shantazhin dhe presionin ndaj zyrtarëve shtetërorë. 77-vjeçari ka mohuar me forcë akuzat dhe insiston se ato janë të motivuara politikisht. Ai nuk do të deklarohet për veten gjatë paraqitjes në burgun e Atlantës, por është pajtuar të paguajë një garanci prej 200,000 dollarësh dhe ka pranuar kriteret e lirimit me kush, të cilat e ia ndalojnë kërcënimet ndaj dëshmitarëve apo 18 të bashkë-pandehurve të tij në këtë rast. Kujtojmë se Trump bëri thirrje për protesta mbarëkombëtare pas aktakuzës së tij të parë penale të ngritur në Nju Jork në mars, duke shkaktuar shqetësime se mund të ketë trazira të dhunshme si ato të 6 janarit të vitit 2021 në SHBA. Epërsia e Trumpit në sondazhe është shtuar që nga akuza e tij e parë dhe mbështetësit e tij thonë se besojnë që akuzat janë të motivuara politikisht. Por, analistët thonë se problemet ligjore të Trumpit mund t’i largojnë votuesit e pavarur për të cilët ai do të kishte nevojë për të fituar një garë përfundimtare kundër Bidenit, presidentit aktual që e mundi atë për 7 milionë vota në vitin 2020.
