Avokati Idajet Beqiri, ka paralajmëruar arrestime të bujshme në vend. Dje, në një intervistë televizive për gazetën “SOT”, i pyetur për deklaratat e Berishës, i cili pretendon se është shpallur non grata pa të drejtë, ai tha se Berisha doli pas një viti dhe denoncoi gjoja padrejtësinë që i është bërë nga Britania duke e shpallur non grata. Sipas tij, familjarë e Berishës janë përfshirë në afera të forta dhe ata kanë bërë korrupsion në emër të Berishës. Ai theksoi, se më të rrezikuar janë Argita Berisha, Shkëlzen Berisha dhe Jamarbër Malltezi. I pyetur mbi çështjen “Gërdeci”, ai u shpreh se është lajm i mirë që Fatmir Mediu është çuar në gjyq dhe sipas tij Gjykata e Posaçme do ta gjykojë atë për ‘shpërdorim detyre’ edhe si ministër dhe sipas kodit ushtarak të Republikës së Shqipërisë. Sa i përket kërkesës së SPAK për arrestimin e Arben Ahmetajt, ai tha se ndaj Ahmetajt janë materializuar tre akuza, ajo e korrupsionit pasiv, e pastrimit të produkteve që rrjedhin nga një krim dhe mosdeklarimi ose fshehja e të ardhurave të tij. Ai theksoi se kjo është kundërvajtje penale, por që masën e dënimit e ka deri në 3 vjet burg, ndërsa dy akuzat e tjera janë të rënda pasi për materializimin e produkteve që rrjedhin nga një krim, marzha e dënimit shkon deri në 15 vjet burg, ndërsa për korrupsionin pasiv deri në 7 vjet burg. Lidhur me raportet e Sali Berishës me Milosheviçin dhe si kanë ndikuar këto raportet mbi qëndrimet e Berishës ndaj luftës së UÇK, ai tha se Sali Berisha, nga viti 1970 e deri më sot i ka shërbyer Serbisë përmes të qenurit agjent i UDB-s. Sipas tij, ishin agjentët potentë serbë në SHBA dhe Europë ata që e piketuan dhe e vendosën Berishën në krye të Lëvizjes së Dhjetorit në vitin 1990 dhe të PD-së, ndërsa theksoi se Berisha ka qenë dhe ka mbetur një misionar i devotshëm i Serbisë, kundër interesave të Shqipërisë dhe të shqiptarëve.
-Zoti Beqiri, ish-kryeministri Sali Berisha vijon të këmbëngulë se është shpallur “non-grata” nga Shtetet e Bashkuara të Amerikës dhe Britanisë së Madhe pa të drejtë dhe se sipas tij, Uashingtoni dhe Londra nuk kanë asnjë provë kundër tij. Sot që flasim shënohet plot një vit nga shpallja e tij “non-grata” nga Britania dhe dy vjet në SHBA-ja, teksa Berisha vijon të bëjë kryeneçin, duke mos pranuar akuzat që Londra dhe Uashingtoni adresojnë mbi të. Madje këto kreu i “Foltores” i bëri të qarta edhe këtë javë gjatë një konference të posaçme për shtyp, ku zbuloi se ka nisur një betejë ligjore me shtetin britanik, për atë që siç e cilëson ai do ta ndihmojë që të pastrojë veten nga kjo damkë. Si qëndron e vërteta dhe a keni një koment?
Shiko! Unë e dëgjova më vëmendje konferencën e Sali Berishës dhe të gjithë me të drejtë pyesin pse Saliu doli pas një viti dhe denoncoi padrejtësitë që gjasme i janë bërë nga britanikët. Pse pikërisht ai u mundua që të shpjegojë si qëndron e vërteta për “non-gratën” britanike, domethënë akuzave që ka. Kjo lëvizje e Berishës ngre shumë pikëpyetje. Por nga ana tjetër, duhet të jemi të ndërgjegjshëm, vetëm për një gjë, Sali Berisha dhe familja e tij, për krimet që ka bërë në kuptimin figurativ, e kanë pasur litarin në fyt dhe kanë qenë hipur në karrige, por problemi është se nuk është hequr këmba e karriges dhe ata deri më tani kanë shpëtuar. Qytetarët shqiptarë deri më tani janë të pakënaqur me punën e SPAK, pasi ky organ si fillim luftën kundër korrupsionit dhe krimit të organizuar, duhet ta nisë me njeriun që iu dha jetë këtyre fenomeneve, i cili quhet Sali Berisha. Kështu që nisur nga ata që kam thënë më sipër, shoh që Berishës po i del situata jashtë kontrollit dhe se sekondat që i duhet vënë shkelmi asaj karrige ku ai qëndron me litarin varur në qafë, po vijnë. Përveç Berishës, edhe pjesëtarët e tjerë të familjes së tij janë hipur në karrige me litar në qafë dhe se pritet vetëm heqja e saj, në mënyrë që ata të marrin atë që meritojnë. Familjarë e Berishës janë përfshirë në afera të forta dhe ata kanë bërë korrupsion në emër të babait të tyre, i cili ka qenë ish-president dhe ish-kryeministër. Posaçërisht dhe për transparencë, litarin në fyt e kanë, Argita Berisha, Shkëlzen Berisha dhe Jamarbër Malltezi. Kështu që në këtë drejtim, shqiptarët duhet të kuptojnë që kjo është nisma e fundit që Saliu mundohet të bëjë dhe po ua servir simpatizantëve të vetë, duke dashur t’iu thotë se shihni unë jam i rrezikuar dhe dua ndihmën tuaj. Pra Berisha kërkon që përmes mesazheve që lëshon, t’iu thotë militantëve, se shikon litarin që unë e kam pasur në fyt, do e kthejnë në tragjedi, pasi kërkojnë të më heqin karrigen dhe duan të më lënë varur. Ndërkohë dua të theksoj se SPAK në vend që të formësojë dosjen, disa ushtarë besnikë të Berishës, e lajmëruan urgjentisht Sali Berishën, Benjaminin dhe udhëheqësin e tyre shpirtëror, të cilët ai i ka mbrojtur nga aferat korruptive dhe pasuritë që kanë ndërtuar duke vjedhur. Berisha i kërcënon dhe i mban të lidhur me video. Sepse Berisha kështu është mësuar, të përdorë videot kërcënuese. Kështu ata e informuan dhe e vunë në dijeni, që të shpërthejë sot, sepse arrestimi është fare afër. Kjo është arsyeja që Berisha doli në konferencë dhe shpërtheu. Por tashmë shqiptarët e kanë marrë mesazhin nga vetë Berisha, na mënyra që ai po mbron vetën kundër britanikëve dhe amerikanëve. Berisha dhe familjarët e tij janë vetëm pak metra larg burgut, pasi do japin llogari për zullumet korruptive dhe kriminale ku është përfshirë.
-Dakord avokat dhe si gjithmonë jeni shterues. Por më lejoni të hyjmë më në brendësi të çështjes dhe do të doja të hyja në pjesën e akuzave ku ish-kryeministri Sali Berisha thotë nuk e kam favorizuar kurrë Damir Fazlliç. Si ju duket kjo deklaratë.
Këtu problemi është se Sali Berisha përpiqet ta zërë çështjen nga bishti. Por gjerat duhet trajtuar nga koka. Kjo pasi kemi të bëjmë me një individ si Sali Berisha që i ka duart e lyera me gjak dhe është përfshirë në shumë afera të rënda kriminale dhe korruptive. Berisha është krokodil i korrupsionit dhe një ndër funksionarët më të lartë, ku SPAK duhet të trokasë dhe kërkojë llogari. Mirëpo trupi nuk skuqet dh Berisha është i tillë. Berisha mendon se duke thënë disa të pavërteta do tja hedhë pa u lagur. Sali Berishën e akuzojnë Shqipëria dhe shqiptarët se bëri masakrën e 2 prillit në vitin 1992 në Shkodër. Katër dëshmorë e Shkodrës i vrau Sali Berisha. Pse i vrau Saliu ata? Ai i vrau ata dëshmorë me ndihmën e UDB të Serbisë dhe i vrau pasi humbi zgjedhjet 31 janarit të vitit 1991 dhe meqënëse serbët i kishin dhënë shumë subvencione që duhej të vinte në pushtet, ai urdhëroi atë masakër. Dhe duket se ja arriti qëllimit, pasi në vitin 1992 erdhi në pushtet përmes zgjedhjeve të parakohshme. Ndërkohë të vijmë tek viti 1996, kur Sali Berisha vrau votën e lirë dhe kreu masakër zgjedhore. Po ashtu Berisha bëri masakrën e vitit 1997, kohë kur rranë piramidat. Asokohe ai vrau dhe plagosi mbi 10 mijë qytetarë shqiptarë. Pastaj kemi dosjen “Tropoja”, vrasje këto që janë urdhëruara nga Berisha. Berisha urdhëroi vrasjen e Azem Hajdarit dhe 4 qytetarëve të pafajshëm në 21 janar të vitit 2011. Po si nuk mund të kryhet krimi “Gërdeci” Sali Berisha, kur atje ti bërë biznes familjar dhe vrave 26 persona. Pra këto janë akuza. Sali Berisha duhet varur në litar. Po afera e CEZ-DIA nuk është aferë. Këto dhe shumë të tjera janë akuza që janë në dosjet e amerikanëve dhe britanikëve kundër Berishës.
– Ndërkohë meqënëse jemi tek “Gërdeci”. Keni një koment?
Është lajm i mirë se ajo pjesë që ishte e pagjykuar Fatmir Mediu është çuar në gjyq çështja dhe Gjykata e posaçme do ta gjykojë atë për ‘shpërdorim detyre’ edhe si ministër dhe sipas kodit ushtarak të Republikës së Shqipërisë. Çështja e tij 321 ishte numri i dosjes, ajo ka shkuar në gjykatë tani dhe do gjykohet Fatmir Mediu.
-Shqiptarët do thonë po pse vetëm ai u dërgua në gjykim?
Për t’ i qetësuar shqiptarët u themi që është ndarë çështja, pra po çohet dosja 321, ndërsa dosja 321/1 ka ngelur në SPAK dhe po vazhdojnë hetimet për të. Ata po marrin vetëm Fatmir Mediun si pjesë e dosjes së parë. Gërdeci është rihapur dhe ajo dosje po hetohet në tërësinë e vet se çfarë ndodhi dhe kush është implikuar në këtë krim. Në këtë kuadër është dhe dëshmia e gazetarit amerikan që është gati të dëshmojë dhe kjo është një provë e rëndësishme që do t’i shërbejë këtij gjykimi.
-Pse ishte organizatë kriminale?
Para se të ndodhte fatkeqësia, Shkëlzen Berisha, se ai është koka e këtij krimi, e organizoi si fillim dhe futi njerëz për ta studiuar çfarë përfitimi kishte nga demontimi i armëve. Ka qenë Shkëlzen Berisha dhe pastaj me ndihmën e të atit Sali Berishës, motrës Argita Berisha dhe me ndihmën e njerëzve të afërt të tyre dhe duke shpërdoruar hapur detyrën me ministrin e mbrojtjes dhe me ministrin e drejtësisë se këta ishin dy kryesorët, donin të bënin dhe ministrin e financave për vete por nuk e arritën dot. Këta pra e studiuan dhe nxorën, që nga demontimi i armëve ishte fitimi 10 miliard dollar, dhe pasi jua dhanë shifrën e saktë atëherë ata ftuan njerëzit që ta bënin këtë biznes dhe të bënin demontimin”, u shpreh avokati Beqiri.
-Po kërkesa e SPAK për arrestimin e Arben Ahmetajt si ju duket?
Mbasi u mblodhën provat përkatëse, pasi u bë lidhja edhe me dëshmitarë të tjerë, pasi u morën edhe aktet e tjera përkatëse nga Kadastra, hotelet e tjera, Arben Ahmetaj u mor si person nën hetim para dy javësh dhe si person në hetim dha deklaratat e tij dhe tani përballet me akuzat që do t’i formulohen dhe do të jenë baza që ai do të merret edhe i pandehur dhe do ta dërgojnë çështjen në gjyq. Nga ato akuza fillestare që kishte SPAK-u dhe regjistroi procedimin penal, ndër të tjera ishte edhe shpërdorimi i detyrës. Shikojmë që ndaj Ahmetajt janë materializuar tre akuza, ajo e korrupsionit pasiv, e pastrimit të produkteve që rrjedhin nga një krim dhe mosdeklarimi ose fshehja e të ardhurave të tij. Kjo është kundërvajtje penale, por që masën e dënimit e ka deri në 3 vjet burg. Ndërsa dy akuzat e tjera janë të rënda. Për materializimin e produkteve që rrjedhin nga një krim, marzha e dënimit shkon deri në 15 vjet burg, ndërsa për korrupsionin pasiv deri në 7 vjet burg. Akuzat nuk janë të lehta. Nëse këto akuza provohen dhe çështja çohet në gjyq, atëherë ai rrezikon minimumi deri në 10 vjet burg.
-Nga ana tjetër, një pyetje e kam për raportet Kosovë-Shqipëri, të cilat janë tejet të tensionuara. Ç’po ndodh mes kryeministrit Edi Rama dhe atij kosovar, Albin Kurti dhe si ju duket mbrojtja e Kosovës që po i bën Sali Berisha, i cili njihet si anti-kosovar i thekur. Cili është roli i Sali Berishës në luftën e UÇK?
Sali Berisha ishte dhe mbeti deri në fund e zeza më e madhe kundër UÇK. Kur Halil Alidema, Mentor Kaçi, Xhavit Haliti, Fehmi Lladrovci, e dhjetëra të tjerë, kur Partia e Unitetit Kombëtar e Shqipërisë dhe e Kosovës, kur LPK, LR, LKÇK, sakrifikonin për formësimin e rezistencës aktive në Kosovë dhe krijimin e UÇK, Berisha, si ish-president i Shqipërisë dhe Gazidede si kreu i SHIK, ndoqën, persekutuan, spiunuan te serbët dhe burgosën me radhë gjithë protagonistët e rezistencës aktive, duke filluar nga Legjenda e UÇK Adem Jashari, te Zahir Pajaziti, Mentor Kaçi, Ukshin Hoti, Ismet Kryeziu, te autori i këtyre radhëve të kësaj interviste etj,etj. Ky Berisha “e trodhi” të ndjerin Halil Alidema, ish-të burgosurin politik nga regjimi i Millosheviçit, një ndër themeluesit e rezistencës aktive kundër pushtuesit serb, e ktheu në shitës bananesh rrugëve të Tiranës. Berisha haptazi furnizonte me karburant Serbinë e Millosheviçit për të luftuar UÇK dhe fakirfukarenjtë e Bosnjës, edhe pse OKB kishte vendosur embargo kundër Serbisë së Millosheviçit.
-Çfarë dini ju për raportet e Sali Berishës me Milosheviçin dhe si kanë ndikuar këto raportet mbi qëndrimet e Berishës ndaj luftës së UÇK?
Sali Berisha, së paku qysh nga viti 1970 e deri më sot i ka shërbyer Serbisë përmes të qenurit agjent i UDB-s. Gjithçka, madje edhe krushqinë me vajzën e Milicës, e madje edhe penetrimin me çdo mënyrë e mjet brenda ish-udhëheqjes së lartë politike të Partisë së Punës, Berisha i ka bërë në funksion të misionit të tij si spiun i Serbisë. Ishin agjentët potentë serbë në SHBA dhe Europë ata që e piketuan dhe e vendosën Berishën në krye të Lëvizjes së Dhjetorit në vitin 1990 dhe të PD-së. Berisha për 25 vjet me radhë si politikan, në krye të shtetit, të qeverisë dhe të opozitës ka qenë dhe ka mbetur një misionar i devotshëm i Serbisë, kundër interesave të Shqipërisë dhe të shqiptarëve. Berisha “de fakto” është heroi kombëtar i Serbisë, sepse me dëmet që u ka shkaktuar ai Shqipërisë dhe shqiptarëve këto 25 vjet, nuk i kanë shkaktuar të gjithë agjentët e UDB-së (Dega për Shqipërinë) si dhe të gjithë tradhtarët e këtij vendi të marrë së bashku.
-Meqënse jemi tek Sali Berisha, si ka mundësi që bashkëpunon me Ilir Metën?
Isha në burgun 313 në vitin 1996, m’u bë gjyqi dhe më çuan në burgun e Bënçës ku ishte edhe Fatos Nano dhe atje kam bërë një bisedë shumë të gjatë me të dhe i tregova historinë me Metën dhe Berishës. Nano ma pranoi dhe ma shpjegoi me hollësi që Metën në PS e ka sjellë Berisha. Nuk e them kot sepse Nano është gjallë dhe mund të ma kundërshtojë por nuk ma kundërshton dot pasi kam shënimet. Nano ma tha që Meta është dora e Berishës 100%. Nano e dinte shumë mirë që Ilir Metën e kishte kundërshtar, pra e kishte Saliun brenda në PS.
Intervistoi: Rigels Seliman