Kanë rënë në prangat e policisë greke 5 persona pasi u kapën në flagrancë duke blerë vota në fshatin Sovadhes të Kardhicës në Greqinë kontinentale.
Sipas burimeve policore, pesë të arrestuarit janë romë. Policia sqaron se ata u kapën me 197 karta identiteti, 114 zarfe me fletën e votimit për një kandidat të caktuar.
Në çantën e tyre u gjet shuma prej 6060 euro. Të arrestuarit do të dërgohen në gjykatën e Kardhicës për masë sigurie.