Vrasja e bujshme e Behar Sofisë, ka nxjerr sot para togave të zeza autorin e vrasjes, Ernejt Shyti i cili ka pranuar të flas për të tjera detaje për porositë dhe elemonimet.
Ai ka pranuar para gjykatës se personat që e kishin porositur për vrasjen e biznesmenit Sofia, i kishin kërkuar të kryente dhe një tjetër vrasje në Gjermani.
Vijon më tej duke thënë se bëhej fjalë për një 34- vjeça, emri I të cillit nuk bëhët i ditur dhe kundrejtë ekzekutimit do të ‘shpërblehej’ me shumën prej 500 mijë eurove.
Sipas porositësve, paratë për vrasjen në Gjermani do t’i merrte nga një person i njohur me pseudonimin “Bajlozi”, të cilin nuk e njihte.
Shyti ka treguar më tej me detaje vrasjen e biznesmenit Behar Sofia, nga përgatitja e krimit deri tek finalizimi.
Ernejt Shyti u arrestua vetëm dy javë pasi kishte kryer vrasjen e Behar Sofias, më 12 mars 2021 në Mal të Zi, teksa punonte në ndërtim.
Emisioni “Në shënjestër” i gazetares Klodiana Lala ka sjellë më herët dëshminë e Ernejt Shytit për grupin hetimor, ku ka folur me emra për bashkëpunëtorët.
Duke qenë se “preja” e atentatit jetonte në një pallat në qendër të Tiranës, të survejuar nga kamerat e shumta dhe policia, grupi po haste vështirësi në organizimin e vrasjes.
Ndaj për këtë qëllim, vrasja e Behar Sofias kërkonte një studim të hollësishëm prej tyre. Është ky moment sipas grupi hetimor, kur persona të paidentifikuar por që pretendohet të jenë porositësit e vrasjes, ia ngarkojnë këtë punë Jemin Sherës, i cili njihet në rrethet kriminale edhe me pseudonimin ‘Bajlozi’.
Profili i Jemin Sherës si një nga porositësit e vrasjes së Behar Sofias, u evidentua edhe nga pamjet filmike të siguruara ditën e krimit rreth vendit të ngjarjes, ku ky i fundit vihet re teksa qëndron mëngjesin e vrasjes ulur në një tavolinë me Skënder Vathin, në një nga lokalet pranë pallatit të viktimës.
Ndërsa pamjet shquajnë momentin kur Shera i kalon Vathit diçka në duar.
Sipas grupit hetimor, fillimisht Jemin Shera ka kontaktuar për vrasjen Bujar Nezën, i cili, rezulton se ishte njohje dhe lidhje e drejtpërdrejtë e Sherës.
Fill pas këtij momenti, Bujar Neza i ka prezantuar Jemin Sherës, Xhuliano Vishën që vinte si njohje e Skënder Vathit dhe Leonard Xhixhës, të dy dajë e nip, por që ndërkohë ishte edhe shok fëmijërie me Ernejt Shytin.
Visha do të ishte fillimisht këmbëza e atentatit, por që me tërheqjen e tij këtë rol do ta merrte shoku i tij, Ernejt Shyti. Siç do të rrëfente edhe vetë më pas në prokurori, Ernejt Shyti doli për ditë me radhë në kërkim të presë së tij.
Derisa ditën e tetë, Skënder Vathi, në këtë rast ‘Daja’ i bëri me shenjë, që shënjestra ishte përballë tij, por duke qenë se nuk ishte gati psikologjikisht, Shyti tregoi për hetuesit se priti edhe 8 ditë të tjera, për të kryer ekzekutimin.
Ndërkohë që nuk e dinte ende se kush ishte viktimat e tij dhe rëndësia që kishte.
