Tre deputetë demokratë të grupit të Enkelejd Alibeaj, do tentojnë të krijojnë komunikim me PD e drejtuar nga Sali Berisha për bashkimin e Partisë Demokratike.
Sipas mediave bëhet me dije se, deputetët që do të negociojnë me grupin e Berishës janë Gazment Bardhi, Merita Bakiu dhe Flamur Hoxha. Tentativat për bashkimin e partisë do të vijojnë deri të premten.
Ky veprim vjen pas mbledhjes së kryesisë nga ana e Alibeaj ditën e djeshme, ku u propozua hapje ndaj kandidatëve të primareve dhe synimi për të dalë me një kandidat në zgjedhjet e 14 Majit.
