Protesta e 3 marsit e thirrur nga ish-kryeministri Sali Berisha në ditën kur Gjykata e Apelit do të vendosë për vulën e Partisë Demokratike, duket se është një strategji e mirëmenduar që synon tëfrikësojëdemokratët që nuk i janënënshtruar “Foltores” dhe gjyqtarët që kanë në dorë fatin e PD, por jo kryeministrin Edi Rama, sikundër është shitur deri më tani mbajtja e tubimit të kësaj të premte nga “Rithemelimi”. Gazeta “SOT”, si e vetmja media në vend ka guxuar për 20 vite dhe ka denoncuarçdo pazar e padrejtësia që i është bërë popullit nga Berisha, madje edhe Ilir Meta dhe Edi Rama, ndërkohë që sot po sjellë për lexuesin detaje se si Berisha synon dhe është gati ta çojë vendin në tym e flakë më 3 mars, vetëm e vetëm për të mbrojtur interesat e veta. Ka pasur dyshime dhe hamendësime se Berisha gjithçka po bën dhe çdo betejë që ka nisur pas shpalljes “non grata” nga Shtetet e Bashkuara të Amerikës dhe Britania e Madhe, e bën për hallin e tij personal dhe familjar. Mirëpo çdo ditë që kalon, po faktohet ky plan diabolik i tij. Zoti Berisha ka thirrur qytetarët në një manifestim para Kryeministrisë më 3 mars, me qëllim që t’i tregojë muskujt dhe forcën Ramës, por duket se lepuri fle gjetkë, pasi atij nuk i intereson skamja dhe fukarallëkuqë ka pllakosur qytetarët, por halli i tij dhe mbrojtja e interesave të tij. Burime nga “Foltorja” i pohuan gazetës “SOT”, se duke qenë se distanca nga selia blu që Berisha ka uzurpuar deri tek Gjykata e Apelit ështëshumë e afërt, janë urdhëruar militantët që të përgatitet që po qe nevoja të mësyjnë edhe brenda ambienteve të gjykatës, në rast se vendimi do jetën në favor të grupit të Bashës. Po ashtu, mësohet se Berisha dhe ithtarët e tij kanë urdhëruarmilitantët që të nisin edhe një fushatë terrori ndaj demokratëve që nuk u binden, aksion ky që pritet të kulmojë këtë të premte, në rast se gjykata i heq atij të drejtën për të drejtuar PD, duke rikthyer skenat e dhunës së 8 janarit të vitit 2022, kur eksponentët të “Rithemelimit” dhunuan selinë blu, duke palëkura një luftë “vëlla-vrasëse”.
Grupi i Bashës jep alarmin
Megjithatëalarmin se më 3 mars mund të ketë dhunë, e ka dhënë këtë fundjavë edhe grupi i Bashës. Ka qenëMirlinda Çollaku, anëtarja e Këshillit Kombëtar të Partisë Demokratike, e cila ka publikuar në rrjetet sociale mesazhin që po iu dërgohet demokratëve për protestën e 3 marsin.Siç shihet në mesazh, bëhet thirrje për pjesëmarrje në protestë të Kryeministria, por specifikohet që nuk duhet të merren simbole të Partisë Demokratike. Ajo thotë se një tregues i tillë, është se në 3 mars do jetë një “8 janar i dytë”, referuar protestës së Sali Berishës për të zaptuar selinë e partisë.“Të dashur demokratë! Më 3 mars, ora 12:00, të gjithë bashkë para Kryeministrisë. Ora e Rezistencës, Revoltës, Revolucionit na thërret! Simbolet e PD dhe të pluralizmit nuk i japim! Shqipërisë i dalim Zot”, shkruhet në mesazh.“Ky është mesazhi me të cilën po ftohen njerëzit në protestë! Protestë për simbolin e PD pra dhe jo kundër Ramës! Kjo nuk është protestë kundër Ramës. Kjo është ftesë për një 8 janar të dytë”, shkruan Çollaku.Kujtojmë se Berisha ka thirrur protestë në 3 mars, ditën kur Gjykata e Apelit do të vendosë për vulën e Partisë Demokratike.
Berisha shton thirrjet për revolucion
Ndërkohë edhe dje, ish-kryeministri Sali Berisha ka shtuar thirrjet për revolucion, ndërsa ka kërcënuar hapur kryeministrin Edi Rama. Gjatë një takimi me strukturat drejtuese të degëve 8, 9 dhe 10 të Tiranës ish-kryeministri Berisha teksa u ndal tek protesta e 3 marsit, theksoi se nuk do të ketë paqe deri sa shqiptarët të arrijnë të votojnë të lirë.“Kemi një moment të rëndësishëm që është protesta e 3 marsit. Nuk ka dhe nuk mund të ketë paqe për Edi Ramën, stabilitet me Edi Ramën. Teza e revolucionit. Ata të cilët na sugjerojnë ne, apo shprehen se po lëkundet stabiliteti u themi haptas se nuk mund të ketë kurrë stabilitet pa votuar shqiptarët të lirë. Iku koha kur shqiptarëve u diktohej që të ulnin kokën, nuk e ulin më kokën ata, para askujt, ata do të ecin deri sa qytetarët shqiptarë të votojnë të lirë.Ndaj dhe duhet ti njohim këto. Nuk e kemi shesh me lule këtë betejë, por e kemi betejë fisnike, për idealet tona, për të ardhmen tonë dhe ne jemi të pathyeshëm në këtë betejë”, deklaroi Berisha.