“Elseid Hysaj, futbollist i Lacios dhe i Kombëtares Shqiptare, udhëton në një luks të shfrenuar mes vendeve ku kalon pushime dhe qendrës sportive “Formello”, shkruajnë mediat italiane. Mbrojtësi i Lacios ka plot makina me modele shumë të shtrenjta, duke përfshirë marka të tilla si Lamborxhini, Ferrari. Nëse Felipe Anderson është haptazi një fans i Volkswagen-it, me sa duket, Hysaj është paksa i pavendosur se cila është marka e tij e preferuar. Ai ka vendosur të blejë marka të ndryshme, të gjitha, pa dyshim, shumë të shtrenjta. Flota e tij përfshin një “Ferrari 458” për 206,000 euro, një “Mercedes G-Class AMG” për 187,000 euro, një “Jeep Wrangler” për 84,290 dhe një “Lamborghini” Aventador Svj për 430.730, EUR. Mes fotove në mal, në qytet apo buzë detit, shqiptari nuk u ndahet makinave të tij luksoze. Ndërkohë, Xhiakomo Vrioni duket në formën e duhur para startit të sezonit në Amerikë me sulmuesin që gjeti dy herë rrugën e rrjetës në ndeshjen miqësore që Neë England Revolution luajti ndaj Orlando Siti. Ishin pikërisht golat e 24-vjeçarit që i dhuruan fitoren New England Revolution me rezultatin 1-2. Skuadra e Vrionit kaloi e para në disavantazh, megjithatë në fraksionin e dytë sulmuesi shqiptar përmbysi shifrat. Goli i parë u shënua në minutën e 71-të teksa një devijim i lehtë i Vrionit mjaftoi për të mposhtur portierin kundërshtar ndërkohë 11 minuta më pas, lojtari kuqezi shënoi një gol mjaft të bukur me kokë. I gjendur i vetëm në zonë, Vrioni nuk e fali mundësinë e shfaqur dhe shënoi golin e dytë personal duke i dhuruar fitoren skuadrës së tij. Për Vrionin ishte goli numër tre me fanellën e New England Revolution teksa duket se në sezonin e ri që do të nisë më datë 26 shkurt futbollisti shqiptar do të marrë një rol protagonisti pasi tashmë është edhe i ambientuar me kampionatin e MLS.