Numri i bizneseve me borxhe tatimore arriti me 34,745 në fund të janarit 2023. Nga viti 2022 duke përfshirë edhe janarin e këtij viti rreth 476 0 biznese të reja u shtuan në listën e borxhlinjve të këqij në tatime. Lista u zgjerua me rreth 16 për qind nga janari 2022 në fund të janarit 2023. Drejtoria e Përgjithshme e Tatimeve e publikon listën e subjekteve me detyrime, duke sqaruar se ndaj tyre është vendosur masa e sigurimit mbi të gjitha pasuritë dhe se ka filluar procedura e mbledhjes me forcë të borxhit. Publikimi i listës me bizneset debitorë në tatime bëhet në mënyrë që personat e tretë të marrin dijeni për fillimin e këtyre procedurave dhe të mos lejojnë kryerjen e transaksioneve për transferimin e pasurive të tatimpaguesve debitorë, deri në momentin që detyrimi tatimor i papaguar të arkëtohet. Me pagimin e plotë të detyrimit bizneset dalin nga lista e debitorëve. Një nga arsyet e zakonshme për zhytjen në borxh të bizneseve sidomos në qarqe dhe në zonat rurale po bëhet niveli i lartë i emigracionit, i cili është duke e ndikuar në dy drejtime aktivitetin e bizneseve. Përshmebull në qarqet e Veriut të vendit ku një valë emigracioni është përhapur masivisht vitet e fundit, aktivitetet e tregtisë dhe transportit po hasin vështirësi nga ikja e njerëzve. Gjithashtu shumë persona që zotërojnë këto biznese kanë emigruar vetë, duke mos respektuar procedurat e çregjistrimit dhe mbylljes së aktivitetit. Burimet nga tatimet pohojnë se një pjesë e këtij borxhi është fiktiv pa shpresë arkëtimi. Zgjerimi i listës së borxhlinjve të këqij në tatime sinjalizon rritjen e mëtejshme të stokut të borxhit tatimor në vlerë. Në fund të dhjetorit 2021, gjendja e stokut të borxhit në tatime arriti në 134.9 miliardë lekë, ne një zgjerim vjetor të stokut me 10.6% ose rreth 12,5 miliardë lekë, sipas të dhënave zyrtare në raportin vjetor të tatimeve. Një vlerë e ngjashme pritet edhe këtë vit, pasi numri bizneseve që ju shtua listën së borxhlinjve ishte i njëjtë më vitin 2021. Principali i detyrimeve tatimore të akumuluara përben rreth 60% të shumës totale të detyrimeve tatimore, ndërkohë që pjesa tjetër e këtyre detyrimeve 40% e mbetur përbëhet nga penalitetet dhe kamatëvonesat. Në stokun e detyrimeve të papaguara në afat të ndarë sipas llojit të tatimit me 2021, TVSH zë peshën më të madhe ne stokun me borxhit me 35%, e ndjekur nga Tatim Fitimi me 29%, zëri Të Tjera me 17%, Sigurimet Shoqërore & Shëndetësore me 13%, Tatimi në Burim me 3%, TAP me 2% dhe DIVA me 0.2%.
Banka e Shqipërisë: Çmimet do të ulen gjatë 3 muajve të ardhshëm
Ndërkohë çmimet e rritura qe prej nisjes së luftës në Ukrainë do të nisin të bien. Në publikimin e e raportit të politikave monetare Banka e Shqipërisë shprehet optimiste për një rënie të ndjeshme të çmimeve gjatë 3 muajve në vijim. “Kemi një pike kthese të inflacionit jo vetëm në Shqipëri, por edhe në ambientin e huaj, çfarë na bën komod në projeksionet tona që inflacioni në vend do të jetë në rënie gjatë 3-mujorëve në vijim”, tha Erald Themeli, Departamenti i Politikave Monetare. Erald Themeli, Drejtues i Departamentit të Politikave Monetare në Bankën e Shqipërisë nuk i përjashton mundësitë e ndërhyrjeve të tjera në normën bazë të interesit. “Me shumë gjasa Banka e Shqipëri do të aplikojë dhe rritje të tjera të normës bazë të interesit gjatë vitit 2023, por jo me atë shpejtësi dhe intensitet sa në vitin 2022”, deklaroi ai. Megjithë optimizmin, Banka e Shqipërisë parashikon se ritmi i rritjes ekonomike pritet të vijë në ngadalësim gjatë vitit 2023 dhe t’i kthehet normalitetit gjatë vitit 2024.
