Ambasadori i Shqipërisë në Britaninë e Madhe, Qirjako Qirko bën thirrje për t’i dhënë fund fushatës së diskriminimit mes debatit për emigrantët e paligjshëm, ku kryesisht përmenden shqiptarët.
Ai është shprehur se fëmiëjt shqiptarë po bullizohen në shkollat e Britanisë për shkak të debatit për emigratët që mbërrijnë me gomone në Angli.
“Fëmijët shqiptarë po i nënshtrohen bullizmit racist në shkollat ??e Mbretërisë së Bashkuar për shkak të debatit rreth mbërritjeve me gomone”, tha ambasadori.
Qirko u shpreh se më shumë se 140,000 shqiptarë që jetonin në Mbretërinë e Bashkuar ishin prekur negativisht nga debati, i cili po përforconte stereotipet negative dhe racizmin.
“Kjo fushatë diskriminimi ndaj shqiptarëve që jetojnë këtu në Britani të Madhe duhet të ndalet. Ka njerëz, sidomos të rinj, që bullizohen në shkolla sepse janë shqiptarë. Të gjithë ata që janë përgjegjës për këtë aktivitet duhet të kërkojnë falje”, tha ai.
“Komentet e tij duket se synojnë qeverinë e Mbretërisë së Bashkuar pasi Suella Braverman, sekretarja e Brendshme, veçoi shqiptarët si kriminelë gjatë një debati mbi krizën e emigrantëve” shkruan The Guardian.
Kujtojmë që Britania pritet të miratojë një ligj që Shqipëria të futet në listën e “vendeve të sigurta” dhe në këtë mënyrë do u ndalohet e drejta për të kërkuar azil në Angli.