Të hënën, Këshilli i Lartë i Prokurorisë ka miratuar listën për kandidatët për drejtues të SPAK, të cilët janë: Adnan Xholi, Altin Dumani dhe Edvin Kondili.
Ndërkohë KLP ka administruar edhe platformat e tyre dhe sipas relacionit ata plotësojnë kushtet ligjore.
Intervistat e kandidatëve dhe votimi për pasardhësin e Arben Krajës në krye të SPAK pritet të zhvillohen në një ditë.
Për datën Këshilli i Lartë i Prokurorisë do të vendosë në ditët në vijim.
Më 19 dhjetor merr detyrën drejtuesi i ri dhe Kraja mbetet prokuror i SPAK, pasi si prokuror mandati është 9 vite ndërsa si drejtues zgjidhet çdo 3 vite.
Sqarojmë se drejtuesi i SPAK nuk ka të drejtë rizgjedhjeje, gëzon vetëm 1 mandat.