Ish-deputetja e PD-së, Mimoza Hajdarmataj, u shpreh në një intervistë për Euronews Albania se është e gatshme që të garojë për të drejtuar Bashkinë e Tropojës.
“Do të kandidoj për primare në shtëpinë time, në Tropojë. Duke pasur parasysh të gjitha zhvillimet e kohëve të fundit, gara tashmë është hapur, gara është e lirë, nuk ka më vendosje në lista nga kryetarët. Unë dua të inkurajoj të gjitha vajzat dhe gratë që të guxojnë dhe të futen në garë. Vendimmarrja është e anëtarëve dhe simpatizantëve”, u shpreh ish-deputetja.
“Jam konsultuar me gra dhe burra të Tropojës për këtë vendim që kam marrë”, tha ajo më tej.
