Organizata Trump do të përballet me akuza kriminale për mashtrim tatimor të hënën në Nju Jork në një gjyq që mund të fillojë të nxjerrë në pah akuzat e shumta kundër kompanisë dhe drejtuesit të saj Donald J Trump.
Gjyqi vjen pasi ish-presidenti i SHBA-së përballet me një mori problemesh ligjore dhe kostosh në rritje, që sipas disa vlerësimeve shkojnë në afërsisht 4 milionë dollarë në muaj lidhur me përpjekjet e tij për të përmbysur humbjen e tij në zgjedhjet e vitit 2020, heqjen e dokumenteve qeveritare nga Shtëpia e Bardhë kur ai la detyrën dhe një rast shpifje në lidhje me një akuzë për përdhunim.
Çështja e së hënës përqendrohet në akuzat se kompania e tij e pasurive të paluajtshme me seli në Manhattan mashtroi autoritetet tatimore të Nju Jorkut duke dhënë kompensim “në të zezë” për 15 vjet për drejtuesit e kompanisë, duke përfshirë pagesat e qirasë për makina, qiratë e apartamenteve dhe tarifat e shkollimit për të afërmit në vend të disa pagave, duke i mundësuar kompanisë të shmangë pagimin e taksave për këtë periudhë.
Nëse shpallet fajtore, kompania, e cila drejtohet nga Donald Trump Jr dhe Eric Trump, mund të përballet me 1.6 milionë dollarë gjobë dhe të pezullim të aktivitetit të saj.