Një koncert i artistit Dani Martín në Cerdanya, pranë kufirit me Francën, konfirmoi historinë e dashurisë së Gerard Piqué dhe Clara Chía, falë disa puthjeve që u përjetësuan nga shumë kamera të pranishme.
Megjithatë, ka një sërë thashethemesh që tregojnë se si filloi të merrte formë kjo romancë, për të cilën ka shumë për të folur. “The Sun” zbuloi se ky çift i ri është takuar brenda Kosmos, një kompani e udhëhequr nga futbollisti katalanas, pasi e reja mban një pozicion në një nga departamentet aty.
Në vend të kësaj, “Vanitatis” theksoi se të dy u takuan shumë kohë përpara se Chía të merrte një pozicion në kompaninë e të dashurit të saj. “Clara ishte kameriere në një nga klubet ku Pique shkoi të festonte me Riqui Puig dhe shokët e tjerë të skuadrës.
Ishte një emocion i jashtëzakonshëm, një dashuri me shikim të parë”, – tha një person i afërt me mjedisin e qendërmbrojtësit. Pas disa muajsh lidhje, Pique dhe dashuria e tij e re kanë përfituar nga pushimi i La Liga-s për shkak të ndeshjeve të kombëtareve për të shijuar një nga qytetet e dashurisë, siç është Parisi.
Kryeqyteti francez është bërë dëshmitar i madh i kësaj dashurie të re, që është farkëtuar mbi ndarjen mes Shakirës dhe futbollistit, gjë e cila u konfirmua me një deklaratë të shkurtër të lëshuar nga këngëtarja kolumbiane.
Çifti është “gjuajtur” në një restorant parizien, ku të dy po darkonin dhe në të njëjtën kohë me shenja të përsëritura dashurie si puthje e përqafime, sipas pamjeve të transmetuara nga paparacët dhe darkuesit që ndodheshin në atë vend. Piqué për momentin nuk ka ndarë asnjë nga lëvizjet me partneren e re në rrjetet e tij sociale, edhe pse kjo romancë nuk fshihet më.
Pique dhe Shakira aktualisht janë në një debat të vazhdueshëm për kujdestarinë e fëmijëve të tyre (Milan dhe Sasha). Pilar Mañé dhe Ramón Tamborero si përfaqësues të Shakira dhe Piqué përkatësisht janë takuar në disa raste, por pa arritur një marrëveshje. Në fakt, të dy janë takuar pak ditë më parë në studion ligjore të qendërmbrojtësit të Barçës, por pa arritur një marrëveshje.
