Ish-deputeti Halit Valteri, me anë të një postimi në rrjetin e tij social ‘Facebook’ i është përgjigjur kryetarit të Partisë së Lirisë, Ilir Meta, i cili e akuzoi ish-ligjvënësin e PD si pjesë të inceneratorëve.
Akuzat e Metës ndaj Valterit, erdhën pas fillimit të hetimeve nga ana e SPAK, pas denoncimit të mbërritur pranë këtij institucioni nga ana e ish-deputetit të PD.
Në reagimin e tij Valteri shkruan se ai nuk ka asnjë lidhje me ato që shkruan Meta, dhe se për herë të parë ish-Presidenti i Republikës do të përballet ashtu siç duhet me ligjin dhe do të dalë gjithë e vërteta.
Më tej Valteri uron që Metës mos i ndodhë e njëjta gjë si ajo që i ndodhi ish-kryeministrit kroat, i cili është dënuar 3 herë për korrupsion.
Postimi i Valterit:
Kam ndjekur me shumë vëmendje deklaratat e ish presidentit Like Metaj dhe kisha zgjedhur të mos prononcohem, por meqenëse më paska akuzuar për lidhje me Vienën dhe inceneratorët i kisha dy fjalë.
I dashur Like, unë as nuk kam bërë dhe as do të bëj kurrë diçka qe nuk e mendoj dhe që nuk është e drejtë. Denoncimi im vjen si pasojë e gjithë atyre pasthirrmave nga populli i thjeshtë të cilin ti e ke zhvatur për më shumë se 30 vjet, duke mos lëshuar karrigen e politikanit për asnjë ditë të vetëm. Ti ja ke arritur t’ia hedhesh paq falë vendimeve të gjykatave të manipuluara, falë kapjes së sistemit të drejtësisë nëpërmjet ryshfetit dhe herë pas herë nëpërmjet shantazheve, si kjo e fundit kur akuzove kreun e SPAK.
Sëdyti, i dashur Like, unë quhem Halit Xhezar Valteri dhe as babi im dhe as gjyshi im nuk kemi ndryshuar as emrin as mbiemrin, ndryshe nga ty. Nëse je ashtu siç pretendon dhe nuk je ai I.M. që gjoja të paskan stisur, tregohu njëherë i ndershëm para shqiptarëve dhe dil publikisht bëj kërkesë pranë institucionit të dosjeve të shohim të vërtetën cullak siç ka hije.
Sëtreti, i dashur Like, fajin mos u mundo ta gjesh tek unë, se ashtu si unë ka dhjetëra të tjerë të cilët rastin tënd ja kanë besuar drejtësisë. Deri me sot nuk je njohur, se manteli i pushtetit të ka ruajtur por shtatori po vjen dhe të paktën një herë në jetë do të ballafaqohesh me atë çka ke mbjellë këto 30 vite.
Sëkatërti, i dashur Like, unë sinqerisht uroj që ti mos të bëhesh si Ivo Sanader, ish kryeministri i Kroacisë i cili është dënuar 3 herë për korrupsion dhe sapo shkon në gjysmën e njërit dënim, i ngarkohet tjetri.
Sëpesti, i dashur Like, të këshilloj të marrësh masat e të bësh të paktën një herë diçka të mirë për popullin shqiptar, ato paratë që të kane dalë tepër nga 7% e nga gjitha % e tjera, jam i sigurt që janë aq shumë sa mund të mbajnë gjithë shqiptarët 1 vit me rroga, rroga e madje te majme. Të paktën këtë herë jepja atyre se nuk do të duhen më, mos u trego zemërgur siç u bëre në 2011, që i fshehe milionat e eurove tek shtëpia e Luan Pobratit dhe më pas shkove dhe i rimore e i ndjeri iku nga kjo jetë me pishmanin se nuk i dhe as 100 euro për shërbimin e bërë. Më beso, bëje këtë të mirë për popullin e gjorë se veç e ke vjelur.
Sëgjashti, i dashur Like, nëse si dorëzon lekët popullit, do i bëj thirrje SPAK-ut të të marri në vëzhgim shtëpinë që mos kesh ku ti çosh paratë.
Sëfundmi, i dashur Like, meqenëse ti i ke të gjitha shifrat me 700 mijë dhe studio e avokatisë në Vjenë kushton më shumë, do i bëj unë thirrje shqiptarëve që të mbledhin paratë për ty dhe të vesh “drejtësinë” në vend, sepse gazeta prestigjoze Kronen Zeitung paska “shpifur” për ty.
Je shah mat shoku Like. Jo nga unë, por nga përtej Atlatikut…
