Mediat ekuadoriane i kanë kushtuar vëmendje bandave shqiptare të drogës, duke thënë se janë më të rrezikshmit.
Ato thonë se Ekuadori, i cili dallohet për dominimin e tre bandave me aktivitet ndërkombëtar të cilat bashkëpunojnë me grupet lokale, është shndërruar në eksportuesin e tretë më të madh të drogës në botë
Ato shtojnë se bandat i kanë shtrirë tenatakulat nga Ekuadori deri në vendet Perëndimore.
Në krye është Sinaloa Cartel e instaluar në Ekuador që nga viti 2009 dhe aleat i ngushtë me Los Choneros.
Ndërkohë, karteli Gjeneratës së Re Jalisco është i vendosur në territorin ekuadorian që nga viti 2020, i cili rekrutoi exchoneros; Los Lobos dhe Los Tiguerones .
E treta, por jo për nga ndikimi, është mafia shqiptare. Ajo cilësohet si më e rrezikshmja dhe theksohet se aktiviteti i saj filloi në vitin 2014 dhe u lidh me bandën R7.
Janë këto grupe që kontrollojnë dhe financojnë rrugët e transportimit të kokainës nga ajri dhe deti.
Autoritetet e Ekuadorit thonë se këto banda luftojnë deri në vdekje për të kontrolluar territorin deri te transporti i drogës.
Manabí , për shembull, është pjesë e korridorit ndërkombëtar të trafikut të drogës.
Kartelet Jalisco dhe Sinaloa dhe mafia shqiptare kokainën e blejnë nga bandat kolumbiane dhe më pas e zhvendosin nga ai vend përmes kufirit verior, Esmeraldas.
Grupet lokale ndihmojnë që një pjesë e kokainës të dërgohet me rrugë tokësore në Manabí, ku trafiku ndërkombëtar në shumicën e rasteve kryhet nga deti.
Ndërkohë, një pjesë tjetër mbërrin me makinë në Guayas. Aty kokaina futet në kontejnerë drejt e në port. Droga dërgohet gjithashtu në Santa Elena , nga ku eksportohet me avionë të vegjël dhe aeroplanë.
Më pas, destinacioni i këtyre dërgesave është SHBA dhe Evropa.
