Ndryshe nga mbrëmja e 24 majit, ku tifozët e Romës dhe Feyenoordit shkaktuan trazira në rrugët e Tiranës, mbrëmja e djeshme, ishte më e qetë.
Mirëpo sipas grupeve huligane në rrjetet sociale ka pasur disa përplasje mes tifozërive, edhe pse sporadike.
Sipas “Hooligans.cv” një tifoz roman është sulmuar nga tifozët e Feyenoord-it. I riu në fjalë shihet në videon e publikuar i shtrirë në tokë dhe duke lënguar nga dhimbjet.
Ndërkohë, në një foto tjetër të publikuar nga kjo faqe, shfaqet një tifoz holandez, i cili tregon shenjat e shkaktar në trupin e tij nga shkopinjtë e gomës të përdorur nga efektivët shqiptarë për të qetësuar situatën.
