Mediat italiane zbuluan sot detaje nga bashkëpunimi i trafikantëve shqiptarë e italianë të drogës.
Ishte pikërisht trafikant i penduar, u ul në tryezë me njerëz të drejtësisë për të nxjerrë në shesh sekrete nga aktiviteti kriminal.
Në dëshmi u përmend edhe një ministër shqiptar, që sipas të cilit, i kishte dhënë një dorë trafikantëve.
Antonio Guastalegname, 54 vjec, i vënë në pranga nga megaaksioni “Rinascita Scott”, foli me harta, emra dhe strategji konkrete të aktiviteteve “underground”.
Mediat italiane nga ana e tyre kanë publikuar listën me emrat e shqiptarëve: Eduart Tahiraj, Lavdosh Serani, Robert Lazaj, Ydaj Hoxhaj, Alfred Lucaj, Lulëzim Shkurtaj, Orkind Cobaj e Flroiand Tahiraj.
Duke folur për trafikun e drogës, Guastalegname përmend disa herë, dhe njeh në albumin fotografik që i është shfaqur, Valerio Navarran, e ky i fundit, siç pohon i penduari, kishte kontakte me subjektet shqiptare.
“Trafikantët shqiptarë kishin mbështetjen e qeverisë shqiptare. Nëse më kujtohet mirë, subjekti i korruptuar ishte ministri i Drejtësisë ose i Brendshëm, megjithatë ishte një figurë e rëndësishme politike shqiptare”, shprehet i penduari.
