Policia franceze ka arrestuar një aktivist, i cili ka bastisur shtëpinë e vajzës së Vladimir Putin në Biarritz.
Sipas medias ukrainase ‘UNIAN’ aktivisti francez Pierre Afner, ka hyrë në rezidencën në pronësi të vajzës së Putin, 35-vjeçares Katerina Tihonova dhe ka ndërruar bravat e dyerve, ndërsa e ka kthyer atë në një rezidencë qëndrimi për emigrantët që vijnë nga Ukraina.
Aktivisti francez Pierre Afner hyri në vilën e vajzës së Putinit, Alta Mira në Biarritz, ndërroi bravat dhe deklaroi se vila ishte gati të pranonte refugjatët ukrainas.
“Ne ia kushtojmë këtë veprim Ukrainës. Regjimi oligarkik i Vladimir Putinit dhe bashkëpunëtorëve të tij kanë vjedhur qindra miliarda euro nga Rusia dhe Ukraina gjatë 20 viteve të fundit”, tha Haffner.
“Në vend të një tërheqjeje luksoze për oligarkët Putin-Shamalov, ne vendosëm të organizojmë një vend këtu për rehabilitim dhe jetë për viktimat e regjimit të Putinit, veçanërisht refugjatët nga Ukraina dhe Rusia që janë detyruar të largohen nga burgjet e luftës, represionit dhe torturës. Koha kur diktatorët dhe oligarkët mund të grabisnin vendet e tyre dhe të jetonin të shkujdesur nëpër vila në Evropë ka kaluar.”- deklaroi ai
Kur filloi pushtimi rus, vila Ocheretny ishte e veshur me slogane të turpshme kundër Putinit në ngjyrën e verdhë dhe blu të Ukrainës.