Një ushtar rus i kapur ka përshkruar se si u qëllua ndaj tij dhe u vra shoku i tij pasi trupat e tjerë hapën zjarr ndaj tyre kur ata u përpoqën të mbronin civilët ukrainas.
Në një video, një ushtar rus përshkroi se si ai dhe një toger u përpoqën të shpëtonin një grua rreth të 20-tave dhe nënën e saj, pasi ushtarëve rusë iu dhanë urdhër të qëllonin mbi civilët më 24 shkurt në Kharkiv.
Në video, ushtari i kapur pohoi se ai u qëllua në këmbë dhe togeri u vra, kur trupat e tjera kuptuan se dyshja nuk po qëllonin mbi civilët.
Ajo vjen pasi një video e veçantë tregoi një të burgosur që përshkruan se sa ‘shumë’ trupa ruse po ikin nga lufta – pavarësisht paralajmërimeve nga lart se ata do të përballen me shtatë vjet burg për dezertim.
Ushtari përshkruan se si njerëzit filluan të fshiheshin kur trupat ruse hapën zjarr.
“Pastaj forcat tuaja (ukrainase) filluan të qëllojnë në tonat. Dhe më pas, ndërsa tanët po qëlloheshin, unë dhe togeri im po ndihmonim civilët’.
Ai tha se të dy burrat “vendosën për të shpëtuar civilët ukrainas”.
Duke folur për dy femrat që ndihmuan, ushtari tha: “Togeri vrapoi drejt tyre, filloi t’i nxirrte nga makina, duke bërtitur “ejani këtu”.
“Për rreth 20 minuta më vunë re kur unë dhe togeri po shpëtonim civilë dhe u dha urdhër që të qëllonin mua, togerin dhe civilët.
“Togeri u vra, pastaj filluan të qëllonin mbi nënën. Edhe ajo vdiq me të”, tregon ushtari. .
