Presidenti i SHBA Joe Biden foli me homologun e tij ukrainas Volodymyr Zelenskyy për të marrë një informacion mbi zjarrin në termocentralin bërthamor Zaporizhzhia dhe i kërkoi Rusisë të ndërpresë aktivitetet e saj ushtarake në zonën e prekur dhe të lejojë aksesin e urgjencës në termocentral.
“Presidenti Biden iu bashkua Presidentit Zelenskyy për t’i kërkuar Rusisë që të ndërpresë aktivitetet e saj ushtarake në zonë dhe të lejojë zjarrfikësit dhe reaguesit e urgjencës të hyjnë në vend,” tha Shtëpia e Bardhë.
Një reagim i fortë ka ardhur edhe nga kryeministri i Britanisë së Madhe, Boris Johnson.
Johnson ka paralajmëruar se Vladimir Putin po “kërcënon të gjithë Europën” për shkak se po përhap zjarr në stacionin e energjisë bërthamore në Zaporizhzhia në Ukrainë.
Me anë të një postimi në Twitter, Johnson i ka quajtur veprimet e Putinit si të pamatura dhe që rrezikojnë sigurinë e Evropës.
“Sapo fola me Presidentin Volodymir Zelensky në lidhje me situatën jashtëzakonisht shqetësuese në termocentralin bërthamor të Zaporizhzhia. Rusia duhet të ndërpresë menjëherë sulmin e saj ndaj termocentralit dhe të lejojë akses të papenguar për shërbimet e urgjencës në termocentral.”, shkruan ai.
