Gazetarja Klodiana Lala ka komentuar mbrëmjen e djeshme vendimin e Gjykatës së Tiranës për pezullimin Armand Dukës nga detyra që mban si kreu i FSHF.
E ftuar në emisionin ‘Të paekspozuarit’, Lala zbuloi se në fakt Bashkia e Tiranës nuk e kishte kallëzuar Dukën, por ai ka dalë gjatë hetimit të personave të tjerë dhe është vendosur nën hetim nga prokuoria.
“Bashkia e Tiranës nuk ka kallëzuar Armand Dukën. Prokuroria e ka vënë në hetim Armand Dukën për shpërdorim detyre.
Armand Duka nuk duhej pezulluar për këtë, kam qenë e para që nuk e ka parë si normale ndërhyrjen e zotit Veliaj, por Armand Duka duhet t’i nënshtrohet hetimit të thellë, për fondet dhe mënyrën si është menaxhuar FSHF. Prokuroria nëse ka dyshime për abuzim me fonde dhe kryerjen e veprave penale, të vijojë.
Kryetari i Bashkisë ka deklaruar se zoti Duka është përfshirë në veprimtari kriminale. Ne nuk merremi me thelbin ta hetojmë për mënyrën si ka drejtuar Federatën por merremi me këtë”, tha Lala.
