Ministria e Mbrojtjes e Mbretërisë së bashkuar njofton përmes një postimi në Twitter se pjesa më e madhe e forcave ruse janë 30 kilometra larg Kievit.
Përparimi i Rusisë u “ngadalësua nga forcat ukrainase që mbronin aeroportin Hostomel, një objektiv kyç rus për ditën e parë të konfliktit”, citoi ministria.
Luftimet e ashpra vazhdojnë rreth Chernihiv dhe Kharkiv, megjithatë të dy qytetet mbeten nën kontrollin ukrainas.
“Dështimet logjistike dhe rezistenca e fortë ukrainase vazhdojnë të pengojnë përparimin rus. Megjithatë pavarësisht përpjekjeve të vazhdueshme për të mos bërë publike detajet e konfliktit, Forcat e Armatosura Ruse për herë të parë janë detyruar të tregojnë numrin e viktimave.”, theksohet në njoftimin e Mbretrisë së bashkuar.
Rusia gjithashtu tha se numri i viktimave është më i ulët në krahasim me forcat ukrainase.
