Presidenti i Serbisë, Aleksandar Vuçiç duket se me zhvillimet më të fundit në Ukrainë, po shqetësohet për Kosovën. Në një dalje publike, ai tha se anëtarësimi i Kosovës në NATO është një “marifet” që do të përdoret për të bindur katër vendet e Bashkimit Europian që ende nuk e kanë njohur vendin ta bëjnë.
“E kam dëgjuar për herë të parë para disa muajsh, nuk është ide e shqiptarëve nga Kosova, është ide e politikanëve nga SHBA-ja. Situata për ne nuk është e panjohur, Serbia do t’i përmbahet ligjit ndërkombëtar, do respektojmë integritetin territorial, e kjo është Serbia,”-tha në fjalën e tij Vuçiç, duke u shfaqur me tone të qeta ndaj Kosovës.
