Mediat ndërkombëtare po bëjnë publike pamjet pas sulmit rus në Ukrainë, ku janë regjistruar edhe viktimat e para.
Në disa video të publikuara të rrjetin social “Twitter” shikohen pasojat e sulmit rus në një zonë në Chuhuiv në Ukrainë.
Mediat raportojnë se sulmi krijoi një vrimë të madhe në rrugë, duke dëmtuar ndërtesat përreth.
Ndërsa një person mbeti i vrarë dhe 12 të tjerë u plagosën.
Kujtojmë se më herët policia ukrainase ka raportuar se si pasojë e bombardimeve kanë humbur jetën 7 persona dhe 19 të tjerë janë zhdukur.
Ka qenë ministri i Jashtëm i Ukrainës ai që ka bërë të ditur sot, në orët e para të së enjtes, se Rusia ka nisur pushtimin e vendit të tij.
Në një postim në “Twitter”, Dmytro Kuleba ka shkruar se presidenti rus, Vladimir Putin, ka nisur “pushtimin e Ukrainës në shkallë të plotë”.
