Në mbledhjen e sotme Komisioni Qendror i Zgjedhjeve ka miratuar projektvendimin për zbatimin e projektit pilot për procesin e votimit dhe numërimit elektronik të votave në zgjedhjet vendore të 6 marsit vetëm në Bashkinë e Vorës. Kreu i KQZ Ilirjan Celibashi tha se u ra dakord që votimi dhe numërimi elektronik do të zbatohet vetëm në këtë bashki.
“Caktimi i bashkisë Vorë ku do të zbatohet projekti pilot i votimit dhe numërimit t elektronik të votave. Projekti pilot i votimit dhe numërimit të votave u zbatua për herë të parë në 25 prill në ZAZ numër 40 qarku Tiranë. E njëjta procedura do zbatohet në bashkinë Vorë të qarkut Tiranë për zgjedhjet e pjesshme vendore në 6 bashki me 6 mars”, u tha në mbledhje.
Kujtojmë se zgjedhjet e pjesshme vendore do të mbahen në 6 Mars në 6 bashki të vendit:
-Bashkia Shkodër
-Bashkia Durrës
-Bashkia Rrogozhinë
-Bashkia Lushnje
Bashkia Vorë
Bashkia Dibër