Ditën e sotme mediat zbuluan se ish-bashkëshorti i Arjola Demirit është Ajax Boshnjaku, emër i njohur për mediat dhe botën e krimit.
Gjatë qëndrimit të saj brenda shtëpisë së Big Brother Vip ajo ka treguar shumë detaje në lidhje me vështirësitë që ka kaluar gjatë lidhjes me të.
Pavarësisht rrëfimit që ka bërë, aktorja e humorit nuk e ka zbuluar kurrë identitetin e tij. Por në deklaratat e saj Arjola ka nënkuptuar të shkuarën e ish burrit të saj. Krahas tradhtisë për 6 vite, Arjola ka rrëfyer se ai e dhunonte fizikisht dhe ajo ka tentuar vetëvrasjen.
Për shkak të kësaj situate, ajo gjithashtu tregoi se ka abortuar dy binjakë.
“Ndodhi një dhunë fizike dhe aty nuk durova dot më gjatë. Më tha nuk ke ku shkon, nuk të merr më njeri me tre fëmijë. Kam kaluar krizë identiteti e doja atë më shumë se veten”, tha ajo.
Më tej ajo ka treguar se ka luftuar për tre vite për të marrë kujdestarinë e fëmijëve.
“Kam 3 vite që jam në gjyq, donin të m’i ndanin fëmijët. I thashë ose me mua ose me atë, fëmijët nuk pranoj t’i ndaj”, tha ajo.
