Kreu i Prokurorisë së Posaçme, Arben Kraja e ka cilësuar si vit të konsolidimit të SPAK, 2021. Në një komunikim me median, Kraja tha se 2022 do të jetë edhe më intensitet më të madh.
Kraja i pyetur nëse do të ketë hetim për çështjen e inceneratorëve të Tiranës, deklaroi se hetimi është i hapur për të tre inceneratorët.
Pyetje: A ka hetim për inceneratorin e Tiranës?
Kraja: Ka hetim për të tre inceneratorët.
Gjithashtu ai theksoi se viti 2022 do jetë i vështirë për personat që shkelin ligjet.
“2022 do të jetë një vazhdim me intensitet më të lartë. Shpresojmë që të konsolidojmë përfundimisht BKH dhe pastaj të vazhdojnë me ushtrimin e ndjekjes penale. Rezultate do të jenë në vazhdimësi dhe do të jenë më cilësore”,-deklaroi Kraja.
