Një shpërthim ka ndodhur mbrëmjen e sotme pranë rrethrrotullimit të Saukut, në rrugën “Selim Brahja”.
Nga shpërthimi janë dëmtuar dy automjete.
NJOFTIMI I POLICISË
Më datë 20.12.2021, në Sauk, në rrugën “Selim Brahja”, rreth orës 19:45, në rrugën dytësore që del për në rrethrrotullimin e Saukut, afër nënkalimit, dyshohet se ka plasur një sasi e vogël lëndë plasëse dhe për pasojë janë dëmtuar dy xhamat e parë të dy mjeteve që ndodheshin të parkuara. Grupi hetimor ndodhet në vendngjarje dhe po punon për sqarimin e rrethanave të ngjarjes, identifikimin dhe kapjen e autorit.
