Thashethemet për presidentin turk, Rexhep Tajip Erdogan dhe gjendjen e tij shëndetësore nuk kanë të ndalur. Së fundmi, profesori i ekonomisë dhe autori, Ibrahim Oztürk në kanalin televiziv Moonstar, pretendon se kreu i shtetit ka arritur në atë pikë sa nuk mund ta lexojë dhe nuk duhet të japë asnjë mendim, pasi nuk i ka të qarta.
Më lejoni të përmend diçka që më tha dikush i afërt i tij. Ai më tha: “Erdogan nuk jeton më. Erdogan tani ka vdekur, ka vdekur. Ai ngrihet në këmbë me morfinë dhe thjesht lexon letrën që ka përballë për të lexuar. Në çdo rast, ai nuk mund të lexojë, nuk duhet të hapë gojën sepse thotë marrëzi,” tha Ozturk.
