Ish-ministri Lefter Koka u vu në pranga ditën e djeshme bashkë me dy persona të tjerë pasi akuzohet për shpërdorim detyre, pastrim parash dhe korrupsion me urdhër të Prokurorisë së Posaçme kundër Korrupsionit dhe Krimit të Organizuar (SPAK).
Lidhur me këtë arrestim, avokati i njohur Spartak Ngjela tregon se ish-kryeministri Sali Berisha është trembur.
Postimi i Ngjelës
Filluan arrestimet e ministrave për korrupsion.
U arrestua ish ministri i Partisë Socialiste, Lefter Koka.
Është trembur shumë Saliu. E quan “kokë turku” Lefter Kokën, në një kohë që, denoncimin për çështjen për të cilën është akuzuar Lefter Koka, e ka bërë Partia Demokratike para shtatë muajsh. Domethënë me një denoncim të ushtruar nga Sali Berisha.
Kuptohet, Saliu është në tension mendor…
Ka frikë.
Por, procesi do të vijojë. Janë shumë të korruptuar në qarqet e larta të politikës, në të dy krahët e saj. Goditja e tyre është shpëtimi i Shqipërisë dhe shqiptarëve.
Prisni dhe shikoni: procesi filloi.
