Një ngjarje e rëndë ka ndodhur mëngjesin e sotëm në qytetin e Laçit. ku është vrarë me armë biznesmeni 55-vjeçar Pilot Rroli.
Shërbimet e policisë, kanë shkuar menjëherë në vendngjarje dhe kanë rrethuar zonën. Po ashtu, janë ngritur edhe pika kontrolli, me qëllim kapjen e autorit/ve.
Drejt Laçit, janë nisur dy grupe të FNSH si dhe një grup me specialistë të Departamentit të Policisë Kriminale, të cilët do të zbardhin të tjera detaje nga kjo ngjarje e rëndë.
Njoftim i Policisë:
Rreth orës 08:45 ,në Sanxhak, Kurbin. në rrethana ende të paqarta është vrarë me armë zjarri shtetasi P.Rr, i cili po udhëtonte me automjetin e tij.
Shërbimet e Policisë kanë rrethuar zonën, si dhe janë ngritur pika kontrolli, me qëllim kapjen e autorit.
Në ndihmë të Policisë lokale janë nisur grupe të FNSH-së dhe një grup i posaçëm hetimor për të bërë të mundur zbardhjen e plotë të rrethanave të ngjarjes, identifikimin dhe kapjen e autorëve”.
