Ditën e sotme është mbajtur seanca gjyqësore për atentatin ndaj prokurorit Arjan Ndoja. Mësohet se ka dëshmuar vetë prokurori Ndoja, i cili ka thënë se ai ka qenë shënjestra e atentatit dhe këtë e tregojnë edhe pamjet e makinës. Sipas Ndojës plumbat janë qëlluar nga ana ku ai ishte ulur si pasagjer. Prokurori Ndoja i tregoi ato fotot edhe në seancën gjyqësore. Ai ka nënvizuar gjithashtu se para se të ndodhte ngjarja nuk ka pasur asnjë shqetësim, përveçse deklarimet e bërë nga Kryeministri dhe Zv. kryeministri.
