Qyteti i Laçit u trondit mëngjesin e sotëm nga ekzekutimi i ish-policit Xhelal Reçit.
Ngjarja e rëndë ndodhi rreth orës 07:23, në afërsi të një banke.
Mediat kanë publikuar pamjet nga vendngjarja ku shihet se ka prani të madhe të policisë, por edhe të qytetarëve, të cilët janë terrorizuar nga skena e rëndë.
Viktima u vra pranë biznesit të tij, një dyqan rrobash që kishte në pronësi. Po ashtu ai mësohet se ka dhe një lokal në qytetin e Laçit.
Deri më tani nuk dihen rrethanat e ngjarjes në fjalë, ndërkohë që në Milot është gjetur dhe një makinë e djegur, tip Toyota, e cila mendohet se është e autorëve të krimit, për të cilët thuhet se mund të kenë qenë 2 persona.