GJKKO ka marrë vendimin për ish-drejtorin e RTSH-së Thoma Gëllçin.
Pas kërkesës së SPAK, u vendos që Gëllçi të lihet në burg.
Në qeli janë lënë edhe personat e tjerë të arrestuar bashkë me të.
Arrestimet janë bërë në lidhje me një tender 1 milionë eurosh, për kanalin RTSH Agron, tender që është zhvilluar para se të jepej miratimi i AMA.
Gazetarja Klodiana Lala tha se ndryshe nga herët e tjera nuk ka përgjime, por gjithçka është e bazuar në dokumentacion. “Ndryshe nga hetimet e tjera kur SPAK kryen veprime simuluese, në rastin e konkret nuk ka qenë e nevojshme për sa kohë që dokumentacioni ka qenë i qartë ku zoti Gëllçi ka shpallur një tender pa u miratuar dhe ia kanë dhënë këtë tender një kompanie me ofertë më 20 mln lekë më të lartë”, tha Lala.