Një person është ekzekutuar mbrëmjen e sotme me armë zjarri në një lokal pranë një pike karburanti në Elbasan.
Mësohet se Ardian Çollaku, 50 vjeç është viktima e atentatit të sotëm në qytetin e Elbasanit. Nga të shtënat mbeti i plagosur edhe një person tjetër, identiteti i të cilit nuk bëhet i ditur.
Pak larg vendit të ngjarjes është gjetur një makinë e djegur. Ngjarja ka ndodhur në zonën e quajtur Balldre. Forca të shumta policie kanë mësyrë në vendngjarje.
