Komisioneri Publik ka kërkuar shkarkimin e prokurores, Natasha Prifti.
Sipas Komisionerit ka shkaqe të mjaftueshme ligjore për t’iu paraqitur për shqyrtim, nëpërmjet ankimit, juridiksionit kontrollues dhe rivlerësues të Kolegjit.
Kujtojmë se Komisioni i Pavarur i Kualifikimit konfirmoi në maj në detyrë Natasha Priftin në Prokurorinë pranë Gjykatës së Rrethit Gjyqësor, Lushnjë. KPK nuk gjeti probleme me pasurinë e prokurores pasi ajo nuk zotëronte asnjë pasuri të paluajtshme dhe hetimi u krye mbi të ardhurat e bashkëshortit.