Drejtori i Ujësjellës Kanalizime Vlorë, Shkëlqim Leskaj, një ditë më parë shpërndau për mediat lajmin se qëndronte në krye të detyrës, por bëhet me dije se ditën e sotme është larguar nga detyra.
Leskaj ka bërë dorëzimet pasditen e djeshme ndërsa është çregjistruar edhe nga QKR.
Sot pranë zyrave të ujësjellësit është paraqitur drejtuesja e re e ujësjellësit Elona Hodaj. Kjo e fundit është shoqëruar edhe nga policia private, por ndërhyrja e këtyre të fundit ka qenë e panevojshme për shkak se Leskaj është larguar vetë nga zyra.
