Zbardhet taktika që përdori Policia për të rënë në gjurmët e autorit të vrasjes së Xhuljan Bullarit në Vlorë.
25-vjeçari u gjet i vrarë në makinë dhe menjëherë policia dyshoi se autori ishte një mik i afërm ose familjar.
Policia kontrolloi aparatin celular të 25-vjeçarit për të nxjerrë të gjitha kontaktet dhe bëri një listë me miqtë e familjarët e viktimës.
Kështu lindën dyshimet se vrasësi ishte i njohur me Bullarin dhe rezultoi se Selmanaj ishte pasagjer në automjetin e drejtuar nga 25-vjeçari, madje kishin udhëtuar bashkë.
Për motive të dobëta, 39-vjeçari e qëlloi në kokë të riun duke e lënë të vrarë teksa pas 4 ditësh u arrestua larg nga vendi i ngjarjes, në ‘’Bllok’’ të Tiranës.