Policia e Kosovës njofton se aeroplanët e linjave të ndryshme janë sulmuar me rreze laseri në Lipjan duke rrezikuar sigurinë e aviacionit civil të Kosovës.
Sipas policisë, rasti është raportuar mbrëmë rreth orës 20:40, në Lipjan, ku thuhet se persona të panjohur kanë sulmuar me rreze laseri aeroplanët e linjave të ndryshme.
“Lipjan 21.08.2021 – 20:39. Raportohet se nga persona të pa njohur janë sulmuar me rreze laseri aeroplanët e linjave të ndryshme. Njësit përkatëse policore janë duke hetuar rastin”, thuhet në raport.
