Gazetarja Klodiana Lala ka publikuar pamje të reja nga aksioni i Forcave Speciale të Policisë sot në Tiranë.
Në videon shihet momenti kur Forcat Operacionale gjejnë drogën e ndarë në pako, të vënë në kuti picash dhe të fshehur poshtë një makine.
Gjithashtu efektivët e policisë u përpoqën që të ndalonin edhe një makinë të zezë luksoze, por që nuk ia arritën pasi ajo u largua me shpejtësi.
Policët e armatosur dhe të maskuar i kërkonin shoferit të hapte derën, por ai shtyp gazin e makinës dhe largohet me shpejtësi, duke rrezikuar jetën e uniformave blu. Nga aksioni mësohet se janë shoqëruar tre persona, ndërsa nuk dihet ende sasia e drogës së sekuestruar.
