Prej dy ditësh, kryeministri Edi Rama ndodhet në Vlorë, ku sot ka ndjekur nga afër punimet në zonën e Kumes.
Në mungesë të kryetarit të Bashkisë Dritan Leli, Rama është shoqëruar nga nënkryetari i bashkisë së Vlorës Afrim Qendro dhe deputeti i zgjedhur i PS-së në qarkun e Vlorës, Damian Gjiknuri.
“Puna vazhdon në këtë bllok problematik banesash, që po del në dritë, falë infrastrukturës së re nëntokësore, gjelbërimit, si dhe hapjes së akseve lidhëse të bllokut me rrugët kryesore”, shkruan kryeministri Rama bashkangjitur videos së publikuar në rrjetin social “Facebook”.
