Presidentja e Komisionit Evropian Ursula von der Leyen, i ka kërkuar ekzekutivit që t’i dërgojë një letër zyrtare qeverisë Hungareze për të sqaruar përmbajtjen e ligjit të kohëve të fundit anti-LGBT dhe e ka cilësuar atë ligj si ‘turp’.
“Ky projekt-ligj hungarez është një turp. Unë kam udhëzuar komisionerët e mi të përgjegjshëm t’u shkruajnë autoriteteve hungareze duke shprehur shqetësimet tona ligjore përpara se projekt-ligji të hyjë në fuqi”,tha von der Leyen të mërkurën në mëngjes, duke theksuar se BE nuk do të bënte kompromis mbi parimet si dinjiteti njerëzor, barazia dhe respektimi i të drejtave të njeriut.
Ligjvënësit hungarezë miratuan këtë muaj një projekt-ligj që e bën të paligjshme portretizimin e homoseksualitetit dhe ndryshimin e seksit në materialin arsimor shkollor dhe programet televizive të synuara për personat nën moshën 18 vjeç. Qeveria e Kryeministrit Viktor Orban argumenton se ligji synon kryesisht pedofilinë. Presidenti i Hungarisë, një ish-ligjvënës nga partia në pushtet Fidesz, pritet së shpejti të nënshkruajë projekt-ligjin.
Konflikti midis komunitetit LGBT dhe pedofilëve është denoncuar ashpër nga ekspertët e të drejtave të njeriut dhe shoqëria civile për përjetësimin e stereotipeve të dëmshme.
Të martën, Gjermania, Hollanda, Suedia, Franca, Irlanda dhe vendet e tjera evropiane dënuan Hungarinë mbi ligjin. Një ministër suedez e përshkroi atë si “grotesk”.
