SPAK i mbështetur në dëshminë e Klevis Allës ka finalizuar hetimet për të shumëkërkuarit Talo Çela e Nuredin Dumani si dhe Altin Ndocit, të cilët janë marrë të pandehur për vrasjen e dy vëllezërve Besmir e Viktor Haxhia në prill të 2020 si dhe të Dorian Shkozës e Anxhelo Avdisë në mars të të njëjtit vit.
“Ju rrëfej vrasjet e Talo Çelës. Përplasjet nisë në grup pasi hyri leku i madh në mes. Besmir Haxhinë dhe vëllanë e tij e nxorra unë në pritë. E telefonova, i thashë hajde merr borxhin. Mbi makinën e Besmirit qëlluan Talo Çela e Nuredin Dumani. Nuredim Dumani mbante kapuç si Renea, xhup me mbishkrimin OFL. Grupi i Talo Çela u përça pas grabitjes në Rinas”, tha Klevis Allo.
