Avokati Adriatik Lapaj ka dalë me një reagim të fortë në rrjetet sociale në lidhje me fenomenin ‘Përputhen’ që ka përfshirë vendin tonë.
Lapaj shkruan se u trondit ku pa sesi fenomenët e ‘Përputhen’ kishin shkuar në Shkodër dhe rinia kishte dalë t’i priste me kërshëri të madhe.
“Per dreq pashë një lajm ku fenomenet e “Përputhen” ishin pritur në Shkodër me kërshëri të madhe. Një pritje alla rock star-ësh.
Rendte rinia, por tek tuk dhe ndonjë burrë me thinja të takonin e të dilnin foto me yjet e “Përputhen”. Një skenë tronditëse. Jam i shastisur. Për afro 10 minuta mu mpi truri. Pasi filloi sërish të jepte shenja funksionaliteti nuk më lë rehat një pyetje:
Me çfarë merren në jetë këta që kishin emocionuar të madh e të vogël në qytetin e Gurakuqit dhe Migjenit?!”, shkruan Lapaj.









































