Sot është sjellë në SPAK nga burgu i sigurisë së lartë të Burrelit i dënuari i përjetshëm Admir Tafili.
Gazetarja e Top Channel, Anila Hoxha ka bërë me dije se ka kërkuar rihapje dhe hetim të thelluar për vrasjen e babait të tij, Bahri Tafili.
Gjatë të gjithë ditës së sotme, është pyetur nga dy prokurorë të SPAK ndërsa seanca ka përfunduar për të rinisur sërish ditën e nesërme.
Burime të sigurta për gazetaren e Top Channel Anila Hoxha, Admir Tafili po hap “kutinë e pandorës” për ngjarje kriminale të ndodhura së fundmi dhe gjatë dy dekadave në qytetin e Shkodrës, ku përmenden grupe të forta kriminale.
Kujtojmë se Admir Tafili, i cili është dënuar me burg të përjetshëm për disa vrasje njihet si “koka” e grupit të vrasësve me pagesë që merrnin urdhra nga burgu.