SPAK i është drejtuar sot me një kërkesë zyrtare Policisë së Shtetit përmes së cilës i kërkon arrestimin e kandidatit për deputet të LSI-së në Tiranë, Etjon Jokës.
Apeli i GJKKO ka refuzuar kërkesën e Etjon Jokës për heqjen e masës ‘Arrest me burg’. Ai akuzohet për shit-blerje votash në zgjedhjet e 25 prillit.
Si u zbulua blerja e votave?
I renditur i 22 në listat e LSI në Tiranë, kandidati Etjon Joka u shfaq në një video teksa i jepte 100 dollarë një qytetari që është angazhuar të mbledhë vota për LSI-në. Në videon e publikuar nga një emision investigativ, Joka bisedon edhe me një qytetar që i thotë se ka bërë 100 vota, duke përfshirë edhe 12 që i ka bërë gruaja e tij.
