Del video e momentit kur hidhet tritoli në banesën e drejtuesit të Partisë Demokratike në Shijak. Një person shihet duke u afruar pranë banesës e më pas duke hedhur lëndën plasëse, përpara se të largohet me vrap.
Si pasojë e shpërthimit pati vetëm dëme materiale. Forcat e policisë kanë shoqëruar disa persona në komisariat dhe po punojnë për identifikimin e autorëve të vendosjes së lëndës plasëse.
Fatmirësisht nga shpërthimi nuk ka pasur persona të lënduar, por vetëm dëme materiale të shkaktuara në ballkonin e banesës ku jetonin 12 persona. Nga hetimet e deritanishme, dyshohet se djali i vogël i familjes Vora, 16 vjeç, të ketë pasur një konflikt me bashkëmoshatarë të tij, por nuk përjashtohen edhe pistat e tjera.
