Gazetari Artan Hoxha komentoi vrasjen e Endri Mustafës që tronditi dje Shkodrën, pasi 32-vjeçari u rrëmbye dhe u torturua më pas u ekzekutua duke u hedhur në zonën e Livadheve.
Ai tha se pas ekzekutimit, Policia e Shkodrës ka ushtruar operacion të zgjeruar në Kiras dhe kanë bastisur një numër banesash që shumë rrallë ka guxuar që të shkojë atje.
“Policia e Shkodrës ka ushtruar gjatë natës një operacion të zgjeruar në Kiras dhe kanë bastisur një numër banesash që shumë rrallë ka guxuar (policia) që të shkojë atje. Banesa që e kanë murin nga 4 metra dhe kanë kamera jo vetëm te shtëpia, por që ku fillon rruga. Një nga banesat nuk është hapur, kanë hyrë në oborr dhe nuk kanë mundur të hyjnë pasi i zoti nuk e hapte derën dhe aty kanë hyrë sot kur ka zbardhur.
Është një personazh shumë i njohur në Shkodër, nuk ka foto në media, është një personazh i cili është manjak i sigurisë, nuk bën kollaj gabime dhe është shumë e vështirë ta implikosh përfshirjen e tij. Gjithë natës është mbajtur shtëpia në rrethim deri në mëngjes, madje është kontrolluar edhe banesa e Fatbardh Licit që është ekzekutuar në gushtin e 2018.
Autoritetet janë mundur ta mbajnë sekret”, tha Hoxha në “Log”.
