Kryebashkiaku i Tiranës Erion Veliaj foli për nisjen e stërvitjes ushtarake “Defender 2021”. Veliaj postoi në Twitter një foto me ambasadoren amerikane Yuri Kim ndërsa shkroi se Defender 21 është një rast unik për të promovuar aleancën e Shqipërisë me SHBA-në dhe NATO-n.
“Sot nisi në Shqipëri Defender Europe 21! Një rast unik për të promovuar aleancën tonë me SHBA-në dhe NATO-n për të forcuar më tej angazhimin tonë të ndërsjellë për të qëndruar besnikërisht krah për krah në kohë të mira dhe të këqija. Faleminderit ambasadores amerikane që je një mikpritëse kaq e mrekullueshme.”,- shkruan Veliaj.
