Agjencia Europiane e Barnave (EMA) ka bërë me dije se është gjetur një lidhje mes vaksinës Johnson&Johnson dhe rasteve të rralla të trombozës cerebrale në disa persona në SHBA.
Megjithatë EMA tha se këto raste duhet të renditen si efekte anësore shumë të rralla të vaksinës kundër Covid-19. Në lidhje me këtë Agjencia paralajmëroi një konferencë të posaçme për shtyp për të diskutuar më shumë për lidhjet mes vaksinës dhe mpiksjes së gjakut. SHBA, Afrika e Jugut dhe Bashkimi Evropian do të ndalojnë përkohësisht shpërndarjen e vaksinës Johnson & Johnson, pas raporteve të mpiksjes së rrallë të gjakut.
